ஏறாவூர் பள்ளியடி வட்டாரத்தில் அப்துல் ரஷீத் தம்பதிக்கு 1987 ஆம் ஆண்டு மூத்த மகனாகப் பிறந்த பிரௌஸ் பாடசாலைக் காலத்தில் ஆசிரியர்களிடம் நன்மதிப்பை பெற்று சிறந்த ஒழுக்கமுள்ள மாணவனாக காணப்பட்டதோடு சமூகத்தில் எல்லோருடனும் சிரித்து பேசும் தோழமைக் குணம் கொண்டதால் அனைவராலும் நேசிக்கப்படுபவர்.
எந்தவொரு பொருளாதார பலமோ, அரசியல் செல்வாக்கோ இல்லாத பின்புலத்தைக் கொண்ட ஒரு சாதாரண இளைஞனாக பிரௌஸ் இருந்த போதும் அவரிடம் சமூகம் சார்ந்த சிந்தனைகளும் தன் சமூகத்தின் விளிம்பு நிலை மக்களின் வாழ்வியலை மாற்ற வேண்டும் என்ற எண்ணமும் அவர் மனதில் வேரூன்றி காணப்பட்டது. அதன் காரணமாக அதற்கான முயற்சிகளை தனது பாடசாலைக் காலத்திலிருந்தே ஆரம்பித்தார் பிரௌஸ்.
தன் சமூக மாற்றத்தை, தனி ஒரு இளைஞனாக சமூக சேவையினூடாக மாத்திரம் நிறைவேற்ற முடியாது என்பதனை உணர்ந்து அரசியல் அதிகாரமிக்க ஒருவனாக இருந்தால் மாத்திரமே இந்த சமூகத்தின் தேவைகளை நிறைவேற்ற முடியும் என்ற உத்வேகத்துடன் அரசியலுக்குள் உள்வாங்கப்பட்டார் பிரௌஸ்.
அதன் முதல் அங்கமாக 2011 ஆம் ஆண்டு நடைபெற்ற உள்ளூhராட்சி மன்றத் தேர்தலில் ஸ்ரீ லங்கா முஸ்லிம் காங்கிரஸ் கட்சியின் வேட்பாளராக தனது 23 வது வயதில் அரசியல் களம் கண்டு மக்களின் அமோக ஆதரவைப் பெற்று முதலாவது ஏறாவூர் நகர சபையின் இளம் உறுப்பினராகவும், எதிர்க்கட்சியின் பலமிக்க ஒருவராகவும் இருந்தார் பிரௌஸ்.
இவர் நகர சபையில் உறுப்பினராக இருந்த காலப்பகுதியில் தனது மக்களுக்காக ஆக்கபூர்வமான கருத்துக்களை சபையின் நாகரீகம் கருதியும் துணிவுடனும் எதிர்கொண்டதன் விளைவாக அனைவரையும் கவர்ந்தார் இவர்.
அது மட்டுமன்றி கடந்த காலங்களில் நகர சபையில் இடம்பெற்ற ஊழல் மோசடிகள், நிதி வீண்விரயங்கள் போன்ற விடயங்களை தனது தொடர் கண்காணிப்பினூடாக வெளிச்சத்திற்கு கொண்டு வந்ததை நாம் யாவரும் அறிந்த விடயமே.
அதே போல் நகர சபையின் எதிர்க்கட்சி உறுப்பினராக இருந்தாலும் மக்கள் தமக்கு வழங்கிய அமானிதத்தை பாதுகாக்கும் நோக்கில் நகர சபை மட்டுமன்றி உள்ளூhராட்சி அலுவலகங்களிலுமுள்ள செயலாளர்கள், உத்தியோகத்தர்கள் என்று அனைவரிடமும் பண்பாக பழகி தனது மக்களின் தேவைகளை நிறைவேற்றிக் கொடுப்பதில் பின்னின்றதில்லை.
மேலும் சுற்று நிருபங்கள், அலுவலக வேலை சார்ந்த உத்தியோகத்தர்கள், அரசியல்வாதிகள் என்று அனைவரிடமும் நல்லுறவைப் பேணி சுயநலம் கருதாது தன் சமூகத்திற்காக எதையாவது பெற்று விட வேண்டும் என்ற முயற்சியில் எப்போதும் நிலைத்திருந்தார். அதற்கு ஒரு படி மேல் சென்று தனது நகர சபை அமர்வுகளில் வழங்கப்படுகின்ற கொடுப்பனவை மாணவர்களின் கல்வித் தேவைக்காகவும், மருத்துவ செலவுகளுக்காகவும் வழங்கி வந்தார்.
அது மாத்திரமல்லாது தனது பதவிக்காலத்தில் கல்வி வளர்ச்சிக்காகவும் பெண்கள் தலைமை தாங்கும் குடும்பங்களின் வாழ்வாதாரத்தை உயர்த்துமுகமாகவும் ஏறாவூர் 2ஊ பிரதேசத்தில் மாடி கட்டிடம் ஒன்றை அமைத்து அங்கு 21 பெறுமதி வாய்ந்த தையல் இயந்திரங்களை பொருத்தி அக்கட்டடத்தின் மேல் தளத்தில் வாசிகசாலை ஒன்றையும் அமைத்து அதனை கையளிக்கவும் செய்தார். ஆனால் அதனை பொறுப்பெடுத்தவர்கள் அமானிதத்தை சரியாக பாதுகாக்க முடியாததன் காரணமாக இன்று அவை செயலிழந்து காணப்படுகின்றது.
தனது நகர சபை பதவிக்காலத்தில் வீதிகள், வடிகான்கள் மற்றும் அடிப்படை வசதிகளை மேம்படுத்துவதற்கான உள்நாட்டு மற்றும் வெளிநாட்டு அரச, அரச சார்பற்ற நிறுவனங்களின் ஊடாகவும், வெளிநாட்டு தூதரகங்களூடாகவும் பல வேலைத் திட்டங்களை கொண்டு வந்து நிறைவேற்றியும் இருந்தார்.
ஒரு மக்கள் பிரதிநிதியாக தனது முன்மொழிவுகளை சபையில் எடுத்துரைப்பதற்கு என்றும் அவர் பின் நின்றதில்லை. அதேபோன்று பல்வேறுபட்ட பாதகமான விடயங்களை தடுப்பதற்கு தன்னால் முடிந்த அனைத்து எதிர்ப்புகளையும் காட்டுவதற்கும் தயங்கியதும் இல்லை.
இவ்வாறு தொடர் சேவைகளை ஆற்றிய பிரௌஸ் அவர்கள் தனது பதவிக்காலம் முடிந்த பிறகு 2017 ஆம் ஆண்டு பொருளாதாரத்தில் ஏற்பட்ட சரிவை நிவர்த்தி செய்யுமுகமாக மத்திய கிழக்கு பயணமானார். இக்கடினமான சூழ்நிலையில் தனது பொருளாதாரத்தை சரி செய்வது மாத்திரமன்றி தனக்கு கிடைத்த சந்தர்ப்பத்தை தனது ஊருக்காக பயன்படுத்துவதில் தவறவுமில்லை.
அதிகாரத்தில் இல்லாத போதிலும் எமது ஊரிலுள்ள பல பாடசாலைகளுக்கு தளபாட வசதிகள், நிதியுதவிகள், விளையாட்டு கழகங்களுக்கான உபகரணங்கள் மற்றும் மருத்துவ உதவிகள் போன்ற இன்னும் பல சேவைகளை வழங்கி வந்தார்.
கொரோனா காலத்தில் வீடுகளுக்குள் முடக்கப்பட்ட தனது ஊர் மக்களுக்காக சொந்த நிதியிலிருந்து நூற்றுக்கணக்கான நிவாரணப் பொதிகளை வழங்கியும் வைத்தார்.
இவ்வாறான சமூக சிந்தனையுடன் செயல்பட்ட பிரௌஸ் அவர்கள் கடந்த 2022 ஆம் ஆண்டு நாடு திரும்பி ஸ்ரீ லங்கா முஸ்லிம் காங்கிரஸின் வேட்பாளராக களம் இறங்க தீர்மானித்து அதற்கான வாய்ப்பை தனது தாய் கட்சியான ஸ்ரீ லங்கா முஸ்லிம் காங்கிரஸ் தலைவர் அல்ஹாஜ் ரவூப் ஹக்கீம் அவர்களிடம் வாய்ப்பை கேட்டபோது அன்றைய ஸ்ரீ லங்கா முஸ்லிம் காங்கிரஸின் மட்டக்களப்பு மாவட்ட அமைப்பாளராக இருந்த எமது ஊரைச் சேர்ந்த பிரபல அரசியல் தலைவரினால் இரும்புக்கரம் கொண்டு தடுக்கப்பட்டபோதும் கட்சியில் அவர் கொண்ட பற்று, தலைமை விசுவாசம் என்பவற்றின் அடிப்படையில் அவருக்கான வாய்ப்பு வழங்கப்பட்டது. அல்ஹம்துலில்லாஹ்!
ஆனால் நாட்டில் ஏற்பட்ட அசாதாரண சூழ்நிலையால் தேர்தல் பிற்போடப்பட்டு மீண்டும் இவ்வாண்டு 2025 மே மாதம் நடைபெறவிருக்கின்ற உள்ளூராட்சி மன்றத் தேர்தலுக்காக மீண்டும் வேட்பு மனுத் தாக்கல் செய்யப்பட்டு பள்ளியடி வட்டார ஸ்ரீ லங்கா முஸ்லிம் காங்கிரஸ் வேட்பாளராக களம் கண்டிருக்கிறார்.
தனது அயராத முயற்சியினால் பல்வேறுபட்ட சர்வதேச தலைமைத்துவப் பயிற்சிக்காக மலேசியா, சிங்கப்பூர் போன்ற நாடுகளுக்குச் சென்றதுடன் இவர் குயஉடைவைல ஆயயெபநஅநவெ எனப்படுகின்ற வசதிகள் முகாமைத்துவ கற்கை நெறியை பூர்த்தி செய்ததோடு தற்பொழுது ருniஎநசளவைல ழக றுநளவ டுழனெழn பல்கலைக்கழகத்தின் சட்ட கற்கை நெறியைப் பயின்று வருகின்றார். இவ்வாறு தனது தகுதியை இந்த சமூகத்தின் மேம்பாட்டுக்காய் புடம் போட்டுக் கொண்டிருக்கின்றார் பிரௌஸ்.
ஒரு சமூகத்தின் தலையெழுத்தை, கல்வியைக் கொண்டுதான் மாற்ற முடியும் என்ற அசையாத நம்பிக்கையை கொண்ட பிரௌஸ் சக நண்பர்களுடன் இணைந்து 2006 ஆம் ஆண்டு இமாம் ஹஸ்ஸாலி பவுண்டேஷன் எனும் தன்னார்வ தொண்டு நிறுவனத்தை ஆரம்பித்து வைத்தார். இதன் ஊடாக பல்வேறுபட்ட சமூக வேலைத்திட்டங்களை செய்தும் காட்டினார். அதன் ஒரு சில விடயங்களை இங்கு சுட்டிக்காட்டலாம் என நினைக்கின்றேன்.
பாடசாலை மாணவர்களுக்கான முன்னோடி பரீட்சைகள், கருத்தரங்குகள், பரீட்சை வழிகாட்டல்களை வழங்கியதோடு பாடசாலையில் இருந்து இடை விலகிய மாணவர்களை மீள பாடசாலைக்கு இணைத்தல், கற்கை நெறி உபகரணங்களை வழங்குதல், பாடசாலை கல்வியை பூர்த்தி செய்த இளைஞர், யுவதிகளுக்கு தொழில் வழிகாட்டல்களை வழங்குதல் போன்ற பல்வேறு வேலைத் திட்டங்களை முன்னெடுத்து வருகின்றார்.
மற்றும் பல முன் பள்ளி பாடசாலைகளை அமைத்து தற்போதும் மிகச் சிறப்பாக இயங்குவதற்கு வழி சமைத்ததுடன் பல்வேறு உதவிகளையும் ஆலோசனைகளையும் வழங்கி வருகின்றார்.
அதேபோல் விசேட தேவையுடையவர்களுக்கான பாடசாலையை அன்றைய பிரதிக் கல்விப் பணிப்பாளராக இருந்த திருமதி ணு.யு. நசீரா அவர்கள் ஆரம்பித்தபோது அவர்களுடன் பக்க பலமாக இருந்து அந்தப் பாடசாலையை அபிவிருத்தி செய்வதிலும் பாடசாலையினுடைய பௌதீக வளங்களை பெற்றுக் கொடுப்பதிலும் தீவிர முயற்சியில் ஈடுபட்டதோடு இன்று அப்பாடசாலை, அல்லாஹ்வின் உதவியுடன் மட்டக்களப்பு மத்தி கல்வி வலயத்தின் மேற்பார்வையில் ஏறாவூர் ஐயங்கேணி ஹிஸ்புல்லாஹ் வித்தியாலயத்தில் இயங்குவதற்கும் வழி சமைத்துக் கொடுத்தார்.
அதே போல் கடந்த கொரோனா காலத்தில் வறிய மாணவர்களின் கல்வி மேம்பாட்டுக்காய் பல மடிக்கணணிகளை வழங்கியதோடு பல மாணவர்களுக்கு புலமைப் பரிசில் உதவித் திட்டங்களையும் வழங்கி வந்தார்.
தன் மகத்தான சேவைகளில் மற்றொன்றாக பெண்கள் தலைமை தாங்கும் குடும்பங்களின் வாழ்வாதாரத்தை மேம்படுத்தும் நோக்கில் சுயதொழில் ஊக்குவிப்பு, குடிநீர் இணைப்பு, மின்சார இணைப்புகள் போன்ற அடிப்படை வசதிகளை மேம்படுத்துவதற்கான வேலைத்திட்டங்களை முன்னெடுத்து வந்தார்.
இவ்வாறு மட்டுப்படுத்த முடியாத பல திட்டங்களை வழங்கி வருகின்ற இமாம் ஹஸ்ஸாலி பவுண்டேஷன் இதுவரைக்கும் எந்த ஒரு தனி நபரிடம் இருந்தும் பண வசூலிப்பை செய்ததும் கிடையாது. இதற்கான முழு நிதி உதவியையும் தனது உழைப்பிலிருந்து மாத்திரம் கடந்த காலம் தொட்டு இன்று வரைக்கும் செய்து வருகின்றார் என்பதும் இதன் ஒரு விசேட அம்சமாகும்.
இன்று அரசியல் என்பது ஒரு சாக்கடையாக இருக்கின்ற சந்தர்ப்பத்தில் இவர் மட்டும் ஒரே கொள்கையுடன், தொடர்ச்சியான பாதையில் இந்த சமூகம் சார்ந்த பல காத்திரமான முன்னெடுப்புகளை செய்து வருகின்றார். 2006 ஆம் ஆண்டு தொடக்கம் இன்று வரை ஸ்ரீ லங்கா முஸ்லிம் காங்கிரஸ் என்ற ஸ்தாபனத்திலேயே தனது அரசியல் நடவடிக்கைகளை செய்து வருகின்றார். அது மாத்திரமன்றி எந்த நோக்கத்திற்காக இந்த சமூக சேவையில் காலடி எடுத்து வைத்தாரோ அதனை செய்து முடிப்பதில் தனக்கு இருக்கின்ற சவால்களை முறியடித்து எமது எதிர்கால சந்ததியினருக்கு தேவையான விடயங்களை செய்து முடித்து ஒரு ஆரோக்கியமான கற்ற, பொருளாதார பின்னணியுடைய சமூக கட்டமைப்பை உருவாக்க வேண்டும் என்பதே இவருடைய அவாவாகும். அந்தக் கனவை நனவாக்க இவருடைய எதிர்கால திட்டங்களில் சிலவற்றை நாம் இங்கு பார்க்கலாம்.
- எமது ஊரின் அபிவிருத்திகளை ஒருங்கிணைக்கப்பட்ட Master Plan ஊடாக நெறிப்படுத்துதல்.
- ஒருங்கிணைக்கப்பட்ட வடிகான் திட்டங்களை அமுல்படுத்துதல்.
- வியாபார வலயங்களை அமைத்தல்
- உள்ளூர் தொழில் முயற்சியாளர்களை ஒன்றிணைத்து Chamber ஒன்றினை நிறுவி அவர்களினுடைய உற்பத்திகளை உள்நாட்டு மற்றும் வெளிநாட்டு சந்தை வாய்ப்புகளை ஏற்படுத்திக் கொடுப்பதற்கான முன்னெடுப்புகளை மேற்கொள்ளுதல்.
- AI (செயற்கை நுண்ணறிவு) தொழில்நுட்பத்துடனான வாசிகசாலை தொகுதி ஒன்றை நிறுவுதல்.
- ஒருங்கிணைக்கப்பட்ட மடுவம் மற்றும் இறைச்சி விற்பனை நிலையங்களை சுகாதார முறையில் செயல்படும் வண்ணம் நிறுவுதல்.
- 24 மணி நேரமும் இயங்கக்கூடிய அனர்த்த முகாமைத்துவ பிரிவு ஒன்றை நிறுவுதல்.
- திண்மக்கழிவு சேகரித்தல் மற்றும் முகாமைத்துவச் செயற்பாடுகளை இலத்திரனியல் கருவிகளைக் (IoT) கொண்டு முறைப்படுத்தி மக்களுக்கு தொடர்ச்சியான சேவைகளை வழங்குதல்.
- எமது நகர சபையினுடைய சேவைகள் மற்றும் முறைப்பாடுகளை தங்களுடைய மொபைல் செயலிகள் மற்றும் இணையதளங்கள் மூலம் நிறைவேற்றுவதற்கு தேவையான செயலிகளை (Application) உருவாக்குதல். இதனூடாக மக்கள் சேவைகள் துரிதப்படுத்துதல்.
- இளைஞர், யுவதிகளுக்கான தொழில் வழிகாட்டல் ஆய்வு மையம் ஒன்றினை நிறுவி இதனூடாக அவர்களுக்கான தொழிற் பயிற்சிகளை வழங்கி தற்கால உலக சவால்களை சமாளிக்கக் கூடிய சந்ததிகளை உருவாக்குதல்.
- சகல வசதிகளும் கொண்ட உடற்பயிற்சி நிலையம் ஒன்றை அமைத்தல்.
- தனியார் கல்வி நிறுவனங்களை ஒரு பொறிமுறையின் கீழ் கொண்டு வருதல்.